- 81 -

1327. April 27. Liegnitz.

Herzog Boleslaus verreicht dem Theodor During und dessen Sohn Peczco das von dem liegnitzer Bürger Heinrich de Ruya erkaufte Gut Prinkendorf, sowie die Buschmühle.

In nomine domini amen. Vt ea, que in conspectu principum aguntur, debite certitudinis robur accipiant, dignum est, illa testium amminiculo et litterarum apicibus roborari, vt memoriam habeant validam et viuacem. Hinc est, quod nos Bolezlaus dei gracia dux Slezie et dominus Legniczensis ad vniuersorum tam presenciam quam futurorum noticiam perpetuam hujus scripti testimonio volumus deuenire, quod constituti in nostra presencia fidelis noster ciuis Legniczensis Henricus dictus de Ruya cum filio suo Peczone, maturo prehabito consilio, de vnanimi assensu et consensu suorum amicorum bona voluntate, non coacti nec compulsi, in bona valetudine corporis et animi, rite et racionabiliter vendiderunt fideli nostro ciui Legniczensi Theodrico Duringo dicto pro se et suis heredibus seu legitimis successoribus ementi et recipienti villam dictam Primkyndorf sitam circa Legnicz et molendinum, quod vulgariter dicitur di Puschmul do oberte, pertinens ad eandem villam, allodium cum omnibus vtilitatibus et prouentibus secundum quod predicta villa cum allodio et molendino dicto circumferencialiter in suis metis et terminis est distincta et limitata cum iure dominii, que predicti videlicet Henricus de Ruya et filius suus Peczco dinoscuntur possedisse, pro quadrigentis marcis pecunie vsualis, renunciantes pro se et suis heredibus omni impeticioni et juris accioni, que ipsis competere possent in presenti seu eciam in futuro in bonis jam dictis. Nos vero dictam vendicionem ratam et gratam habentes, inspectis fidelibus obsequiis nobis impensis, concessimus et contulimus prefato Theodrico Duringo legitimis quoque ejus successoribus ac heredibus predictam villam Prymkyndorf cum molendino et allodio prius dicto omnibus vtilitatibus et prouentibus atque vsufructibus eo jure et dominio, vt prehabitum est superius, perpetue possidendam, habendam, uendendam, mutuandam, mutandam, juxta quod sibi et suis legitimis successoribus vtilius et conueniencius videbitur expedire, addicientes, quod pro seruicio dextrarij deseruiendo et exaccionibus, pecuniis monetalibus, aliis quoque solucionibus, quocunque nomine censeantur, nobis dandis de predictis bonis videlicet Primkyndorf allodio atque molendino singulis annis sex maldratas ordei circa festum beati Martini nomine veri census nobis et nostris successoribus legitimis predictus Theodricus cum suis legitimis successoribus tenetur dare et donare, promittentes in hijs scriptis censum jam dictum nostro inferiorem non vendere vel concedere neque donare sed pro nobis optime. In cujus rei testimonium presentem litteram nostro sigillo fecimus roborari. Actum et datum Legnicz in crastino misericordia domini dominica, anno domini M°C°C°C° vigesimo septimo presentibus nostris fidelibus militibus videlicet Henrico de Zilicz, Theodrico Predil, Nicolao de Schellindorf, Hartungo Kule et Johanne Rymberg, Thammone nostro prothonotario et nostris fidelibus ciuibus Cunado Procotindorf, Peczoldo Kalis, Thammone de Probisthayn et Gerlaco nostro notario, cui presencia ad scribenda sunt commissa.

O. d. St. L. No. 31. An Schnüren von grüner und gelber Seide das grosse Siegel mit dem Rücksiegel in rothem Wachs.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866